عباس شيرازي عضو مميز
عدد الرسائل : 443 العمر : 29 الموقع : النادي الكتلوني المزاج : حزين تاريخ التسجيل : 13/01/2009
| موضوع: يا اعتاب الشيطان الإثنين مارس 09, 2009 3:47 pm | |
| يا اعتاب الشيطان أناشدكم واريد اتجاوبوني إمام ابياشريعه اتحاربوني
*** وگف سبط النبي وسط الحرايب إخذ يلقي الحجج بين الكتايب ينادي ويصرخ اوياكم اخاطب إذا عدكم شيم ما تركتوني
*** اخاطبكم يشيعة آل سفيان عليمن هالجمع حاشد الميدان عهد عدكم اويايه والعهد چان أجيكم عالوعد واتبايعوني
**** تعنيت وشفت عكس المظاهر بدل ما تصدگ اويايه الضماير جمعتوا للحرب هاي العساكر وعوض متبايعوني اتقاتلوني
**** كتبتكم تشهد وهاي الرسايل كتبتوا لبيعتك نمضي ونواصل اجيت وتالي تردوني اقاتل عليمن للمعارك تجبروني
**** ابلسان اهل الفضل اسمي تردد سليل المصطفه وجدي محمد انشدوا جابر الانصاري يشهد وصحابة جدي كلهم يعرفوني
**** ابويه المرتضى وفاطمة امي وعرفتوا جعفر الطيار عمي تحلل يا شرايه سفك دمي عگب ذاك العهد وتخالفوني **** اشبدت مني خطيئه ويا ذنب صار لون ما چان عدكم دين وافكار يهالناس ابدهركم عيشوا احرار إتركوني ارد وآخذ اظعوني
*** امام وفوضت للباري امري مترهبني السيوف ابگطع نحري لون ناشدتوا ادموعي تجري عليكم يا بشر فاضت عيوني **** عليكم هالگلب يا ناس محزون وعليكم بالمدامع تجري العيون لجهنم من اجل چتلي تدخلون عوض ما عالطغاة اتناصروني
*** واذا ما قام للاسلام دستور الا انچان يصبح دمي مهدور خذيني يا سيوف الغدر والجور اعزمت وادري الاعادي ايوذروني **** اعاتب والعتب هيهات يجدي نفوس العاهدات وانقضت عهدي اروحن واشكي للمختار جدي واگله امتك رادت منوني *** يجاوبني رسول الباري عنهم برئ آنه يبو السجاد منهم جهنم يبني هالوادم سكنهم وخصمهم بالقيامه ايشاهدوني | |
|
ابن النجف مدير المنتدى
عدد الرسائل : 825 العمر : 39 الموقع : العراق تاريخ التسجيل : 01/10/2008
| |