عباس شيرازي
عضو مميز
عدد الرسائل : 443
العمر : 29
الموقع : النادي الكتلوني
المزاج : حزين
تاريخ التسجيل : 13/01/2009
 |  موضوع: لمن الشموع  الإثنين مارس 09, 2009 3:01 pm | |
| لمن الشموع
المـــــن هــــــــالعرس منـــــــــصوب جــــــاسم منـــــذبح والجسم مسلوب
المـــــــن هـــــــالـعـــــرس مــنصوب
* * *
انــــــحنت بالصيـــــوان رمله والحزن احنه ظلعها
تصــــــيح يـــــا جسّام يبني چبدتي مصابك گطعها
يـــــولدي ومـــن دم وريدك عيني يتفايض دمعها
رمــــــله لــــــولدها تحـشمه بصـــــوت المصــيبه تكلمه
حنـــــتك صـــــارت بـــالدمه وحــــــوفتك طفّـــوا شمعها
أقــــــــــــبل بـــــــاللذي مكـــتوب
حكـــــمه واقــتضت انظرك مصـيوب المــــــن هـــــــــالعرس منــــــصوب
* * *
اقـتضت يــا عـــــرّيس يبني حكمة الحق والاراده
امشـــي للــــكوفه يســـيره وانت بحجور الشهاده
وشـــــمعة الديــــــن بـوجودك تزهر بنور السعاده
وجثــــــتك يـــا شبل الحسن متــــــغسّله بـــــدم المــــحن
والتـــــرب صــــارتلك چفن ومــــــنها صــارتلك وساده
جـــــسمك بـــالدمه مخـــــضوب
يـــــبني وزفتـــــك فــرسان الحروب المــــــن هـــــــالعرس مـــــــنــصوب
* * *
اشـــلون زفة عرس صارت الك يا فخر الهواشم
بـــدال شمـــــعات الزفاف انرفعت رماح وصوارم
وحافر خيــــول آل اميــــــه طبول صارتلك يجاسم
ونثّـــــارك سهــــــام الحرب وبفــــگدك يـــــذوب الگلب
لمــــن طـــحت فوگ الـترب گـــــلبي ظــــــل عليك حايم
گــــلبي مـــــن الـــــفراگ يذوب
كــــل شي حسبت بس فگدك ممحسوب الـــــمن هــــالعرس منــــصــــــوب
* * *
يــــبني مـــا حــسّبت اشوفك دامي وموسّد الغبره
بهامتك طبــــرة الازدي آه يــــــــبني اشلون طبره
وبدليـــــلي جروح فگدك مو جروح تگول جمره
بـــــدمّك لنــــــصرك سجّلت وبــــــهالشهـــاده حـــصّلت
للجـــــنه ادري مـــن دخلـت تلــــــگّتك امّــــــك الــزهره
مــــدمع فـــــاطمه مسچوب
وامّك نـــــادتك والــــــگلب مـرعوب الــــــمن هــــــــالــــــعرس مــنصوب
* * *
فـــرح دلالـــي يـــــجاسم من طحت فوگ الترايب
صبرت أنـــت اعلى المنيه وآنه أصبر عالمصايب
بعيني شــــفت هلال سعدك منحجب بالدمه غايب
بــــالحرب صــــارت غيبتك وبگـــــلبي طـــــفّوا شمعتك
ذابـــــت الــــروح بــــفرگتك ومـــــثل گـــــلبك گلبي ذايب
گلـــــبي بــــجمرتك منشوب
انــــادي والدمع بالصرخه مصحوب المــــن هـــــالعرس مــــــنـــــــصوب
* * *
يــــا ثمر روضــــة حـــــياتي يللّي ضحّيت بحياتك
حقّـــــقت كـــــل امنـــــياتي يــــــللّي حقَّقت امنيـاتك
وثـــــــبتت اركان الديانـــــه بـــالطفوف بتضحياتك
دخـــــلت الــــحروب الداميه وحقّـــــقت اعـــــظم امــــنيه
ونجحـــــت الفــكره الساميه مــــن دنـــــت ساعة وفاتك
بــــهاي الثــــوره يـــا مهــــيوب
حصــــــلت الـــــوسام الالك منسوب الــــــمن هـــــــالعرس منـــــــــصوب
* * *
رمـــله مــــن شــــافت ولـدها عالثره مغسّل بدمّه
فـــاض دمع العين منها مثل فيض جروح جسمه
مثــــل مــا شافت ولــــدها منـــــذبح شـــافته لعمّه
جــسم أبو اليمه اعلى الثره
متــــخــــضّب بــــدم مـنحره
وخيــــامه ظــــلّت مـــسعره
اشــــلون حــــالة حـزن مرت عالحرم بالغاضريه
حــــايره بـــــفرگة وليـــــها وجــــارت عـليها اميه
وزيــــنب بـــصوت المصيــبه صاحت بونّه شجيه
ويــــن التــــــكفّل عــــــيلتي
ويــــن اليــــنشّف دمــــعتي
ويــــن اليـــــطفّي خــــيمتي
ويــــن اخــويه اللي كفلني وين الاكبر وين جاسم
* * *
| |
|
ابن النجف
مدير المنتدى
عدد الرسائل : 825
العمر : 39
الموقع : العراق
تاريخ التسجيل : 01/10/2008
| |
عباس شيرازي
عضو مميز
عدد الرسائل : 443
العمر : 29
الموقع : النادي الكتلوني
المزاج : حزين
تاريخ التسجيل : 13/01/2009
| | موضوع: رد: لمن الشموع الجمعة مارس 13, 2009 7:56 am | |
|  شكر على الرد الجميل و | |
|
