القصيدة في شهادة احد أئمة اللغة والأدب يعقوب ابن السكِّيتالذي استشهد دفاعا عن البيت العلوي على يد جعفر المتوكل عاشر خلفاء بني العباس ، ويسمى وزنها " الجشعمي " المتكون من اربعة اجزاء " فعلن فعلن فعلن مفعولن " وهو من دائرة بحر المتدارك ومن الاوزان المغمورة .
" 30- الجشعمي "
ابن السكِّيت اتخلد ذچره ابنظره تقدير الناس اتنظره
****
افكاره اعله المبدأ مبنيه يتمتع بالروح الشيعيه
رايد تحقيق الانسانيه ابعلمه وحلمه وايمانه وصبره
****
ينعد خيرة اقطاب الشيعه امن الواجب فضله ايكون انذيعه
وقع لا چن بالدم توقيعه بالصفحه التحمل اشرف عِبره
****
ابن السكِّيت اتحقق ظنه وراح ارويلك هالموقف عنه
اشرف ناتج تستنتج منه هذا الموقف يكشفلك أمره
****
ارسل خلفه المتوكل راده يحضر حتى ايدرّس اولاده
وابن السكيت ابده استعداده لأشرف دافع رحب بالفكره
****
أول خطوه الصار ايدرسها روح الايمان الهم يعكسها
يا بذره اللي بيهم يغرسها ؟ يغرس بذرة حبهم للعتره
****
ابمنهج حب العتره ايعلمهم وابمفهوم الدين ايفهمهم
حب حيدر خلا يجري ابدمهم وكل مخفي اتوضح الهم سرّه
*****
لن غايه سوء الواشي يضمر للمتوكل راح ومتذمر
اعله ابن السكيت ايريد ايخبر للمتوكل عن فعله ايخبره
****
ناداه اولادك روح اسألهم عن ابن السكيت البدَّلهم
عن مسلك منهاجك حولهم صاروا يمشون ابعكس المسره
*****
ابهالاخبار اغتاظ المتوكل خلف ابن السكيت ولن يرسل
ناداه اسرع للمجلس اقبل وبسرعه يريد اگباله ايحضره
****
وسط المجلس هالموقف بادي لن المتوكل صوته اينادي
ياهو الافضل عندك اولادي يو لا أفضل اولاد الزهره
****
ما چان المتوكل يتوقع اجواب ابن السكيت الما يخضع
خل يعرف راي الشيعه ويسمع ناداه بأوج الحاله الخطره
*****
اسمع يا هالحاكم واتبصر اولادك هاي البيهم تغتر
ما توصل شسع انعاله لقنبر وانته وعرشك ما توصل قدره
****
چلمة حگ اشعملت هالچلمه المتوكل هاج ابسطوة ظلمه
ناده اعله السيّاف اسفك دمّه وانختمت بالعز صفحة عمره
*****
هذا الشيعي المايوم ايساوم وبأعظم ما يمتاز الفاهم
چلمة انصاف ابمجلس ظالم ميهم لو كلفت گطعة نحره
****
هذ ابن السكيت واصراره ابدمه الطاهر سجل تذكاره
من واجبنه انخلد آثاره وننشر علمه وننهل من بحره
***
" لندن – 19