--------------------------------------------------------------------------------
تسجب دمعه وتكتم جلمه
زينب هاى المرأه القمه
من شافت مصرع اخوتهه شتتصور جانت حالتهه
زينب هاى المرأه القمه
زينب من أذكرلك زينب مو اي مرأه واي انسان
يامولد يشبه مولدهه ونزلت كلي بيا احضان
وتعرفهه بيا بيت اتربت وموداعي اكتبلك عنوان
ويا اب ويا ام غذوهه منهج اخلاق القرأن
من ها الجوهر كلي شيظهر
كون الهادي المرسل جدهه وبها لبيت اصبح مولدهه
طبعا تتوقع من عدهه كل صبر البالكون اتلمه
زينب هاى المرأه القمه
*******************************************
ورثت هيبتها من الهادي اورثت منطق داحي الباب
من امهه الزهره شورثت زينب عصمه وعفه وخدر احجاب
من المسموم اختارت حلمه ولبست صبر احسين ثياب
ولابد من تاج يكللهه وهاالتاج محير الالباب
من تصويره مرصع غيره
بيه دب الكون مجملهه ومن يوم المولد كافلهه
محد جانت شايف ضلهه ها الضل عباس الملتزمه
زينب هاى المرأه القمه
تدرك عظم المسؤليه من موطنهه وياهه اتسيرد
حضرت للطف زينب تدري وتعلم زين شراح ايصير
من يوم المولد محتاره زينب مو ها اليوم اتحير
تحمل عهد من امهه وياهه وهاك اسمع نص التقرير
حبت صدره وشمت نحره
لحسين وجابت ميمونه هذا التقرير ومضمونه
وصاحت وافيتج يا يمه
زينب هاى المرأه القمه
*******************************************
لو تتخيل هذا الموقف وتعيش بفكرك وياه
حسين وحيد بنص عدوانه وزينب عيناهه بعيناه
لا ناصر يفزع واعضيده مكطوعه اليسره ويمناه
وشافت سهم البين الصابه والخيل الداست فوكاه
صاحت يارب انته الاقرب
نادت يم جسمه العطشان ربي اتقبل ها القربان
وانته احكم بأفعال الامه
زينب هاى المرأه القمه
مسبيه اتحد سابيهه وبص قصره ترد اعليه
كد كيدك كالتله وناصب جهدك ولتكدر سويه
ميموت الوصي بموتتنه انته وغيرك مايمحيه
وبها الجلمه افكار الثوره ضلت ها الكون تضويه
وضلت رايه للمشايه
والجلمه الرادت تخفيهه ما كالت ليش لباريهه
ولانطقت جلمه متندمه
زينب هاى المرأه القمه