قصيدة شيعوا نعش الطاهرة المظلومة

من ألقاء الحاج باسم الكربلائي ،، وللشاعر المرحوم صالح الحلي


شيعوا نعش الطاهرة المظلومة .. داعة الله صيحوا يامهضومة
شيعوا نعش الطاهرة المظلومة .. داعة الله صيحوا يامهضومة

هذا نعش الا حمل أطهر جسم .. هذا نعش الا بيه الضلع المنهشم
هذا نعش الا جرعته أشكال الهضم .. ماتت بغصة قهر مهضومة

شيعوا نعش الطاهرة المظلومة .. داعة الله صيحوا يامهضومة

هذا نعش الا حمل روح المرتضى .. هذا النعش الا بيه أضلوع مرضرضة
هذا نعش أم الحسن يارافضة .. عليه جفن الهادي تجري دمومه

شيعوا نعش الطاهرة المظلومة .. داعة الله صيحوا يامهضومة

بالله ياشيال نعش الطاهرة .. على هونك من تسير على الثرى
ترى أضلوع أم الحسين مكسرة .. بيها نيران الحزن مظلومة

شيعوا نعش الطاهرة المظلومة .. داعة الله صيحوا يامهضومة

وداعة الله يانعش صيحوا بحزن .. ساعدوا الكرار ساعات الدفن
ينوح وحده ومنهدم حيله ويِون .. جدد عليه حزن طه ويومه

شيعوا نعش الطاهرة المظلومة .. داعة الله صيحوا يامهضومة

وصوا حيدر من ينزل هالقبر .. لا يوسدها على خد المنسطر
بيده لا يلجم ضلعها النكسر .. جروح فاطم على المتن مرسومة

شيعوا نعش الطاهرة المظلومة .. داعة الله صيحوا يامهضومة

حيدر بأي حاله للزهراء يصد .. دفن وياها الأماني من لحد
شلون وحده لدارها من يرد .. مظلمة الدار بغياب نجومه

شيعوا نعش الطاهرة المظلومة .. داعة الله صيحوا يامهضومة

نسائلكم الدعاء

يسلموا اخي ابن النجف